മുംബൈ: മുംബൈ ഇന്ത്യന്സും , കൊല്ക്കത്താ നൈറ്റ് റൈഡേഴ്സും തമ്മില് നടന്ന ഐ.പി.എല് മല്സരത്തിനിടെ സുരക്ഷാ ഉദ്യോഗസ്ഥരോട് മോശമായി പെരുമാറിയതിനെ തുടര്ന്നാണ് ഷാരൂഖാന് 5 വര്ഷത്തേക്ക് വിലക്ക്. കൊല്ക്കത്ത നൈറ്റ് റൈഡേഴ്സ് ടീം ഉടമകളിലൊരാളുമായ ഷാരൂഖ് ഖാന് മുംബൈ വാങ്കഡെ സ്റ്റേഡിയത്തില് പ്രവേശിക്കുന്നതിന് മുംബൈ ക്രിക്കറ്റ് അസോസിയേഷനാണ് 5 വര്ഷത്തേക്ക് വിലക്കേര്പ്പെടുത്തിയത്. അസോസിയേഷന് പ്രസിഡന്റ് വിലാസ് റാവു ദേശ്മുഖ് ആണ് ഇക്കാര്യം മാധ്യമങ്ങളെ അറിയിച്ചത്.
ബുധനാഴ്ച രാത്രി നടന്ന സംഭവത്തില് എംസിഎയുടെ ഭൂരിപക്ഷം ഭാരവാഹികളും ഖാന് ആജീവനാന്ത വിലക്ക് ഏര്പ്പെടുത്തണമെന്ന് ആവശ്യമുന്നയിച്ചിരുന്നു. എംസിഎ ഭാരവാഹികളെ പരസ്യമായി അസഭ്യം പറഞ്ഞാണ് അസോസിയേഷന് നേതാക്കളെ പ്രകോപിച്ചതെന്നു കരുതുന്നു.
സുരക്ഷാ ജീവനക്കാരെയും വാന്ഖഡെ സ്റ്റേഡിയത്തിന്റെ നടത്തിപ്പുകാരായ മുംബൈ ക്രിക്കറ്റ് അസോസിയേഷന് (എം.സി.എ) ഭാരവാഹികളെയും കളികാണാനെത്തിയ സ്ത്രീയെയും അസഭ്യം പറഞ്ഞതിനും മര്ദിച്ചതിനും ഷാരൂഖിനെതിരെ ഐ.പി.സി 323, 506 വകുപ്പുകള് പ്രകാരം മുംബൈ പൊലീസ് കേസെടുത്തിട്ടുണ്ട്.
പ്രകോപനത്തെ തുടര്ന്നാണ് അസഭ്യം പറഞ്ഞതെന്ന് പിന്നീട് സമ്മതിച്ച ഷാരൂഖ് താന് മദ്യപിച്ചിരുന്നുവെന്ന ആരോപണം നിഷേധിച്ചു. സുരക്ഷയുടെ പേരില് തന്റെ മക്കളെ സ്റ്റേഡിയത്തിലെ സുരക്ഷാ ജീവനക്കാര് മര്ദിക്കുന്നത് കണ്ടാണ് ഇറങ്ങിച്ചെന്നതെന്നാണ് ഷാരൂഖ് പറയുന്നത്.
പ്രവാസി
